aisa desh hai mera!

Karwat leti nisha ne mujhse
subah ka raasta poochha,
ki hai kahan wo savera
jahan koi nahi andhera,
hai kahan wo khushboo nirali,
jaise os ki boondein hui deewani,
hai kahan wo aangan,
jahan gungunate hai sawan..

Maine hass ke raat ko bola,
aaja mere gaon tujhe
main savera dikhata hoon,
mitti ki saundhi si khushboo mein
aa tujhe nehlaata hoon,
aur uss pagli badri se bhi milwata hoon,
jo aangan pe raah dekhti hai us uday ka,
jo har din ek naya sa laata hai,
kabhi rulata aur haan kabhi hasata hai,
par fir bhi tere jaane ke baad, o nisha,
humesha iss gaon wapas laut hi aata hai…