
Itni jaldi kya hai ghar jaane ki,
abhi toh shuruat nahi ki humne apni kahani ki,
tumhe ek lamha theherna toh padegi hi,
abhi toh koshish hi nahi ki humne rijhane ki..
Do labz sun le mere dil ka haal,
ki tu hi meri dhun hai aur tu hi meri taal,
bin tere mera jeevan hai aisa neeras,
jise badal na paaega koi bhi kaal..
Par teri preet jo bha gayi hai ab mann ko,
toh kuchh samajh nahi aata is baawre ko,
ek nazar mujhe taqalluf se dekh lene de tujhe,
jaane ye mauka mile na mile kal ko..
Ja ab tujhe mai aazad karta hoon,
tujhse door rehke bhi tera deedar karta hoon,
laut ja tu apne gaon apne desh,
par yaad rakh iss dar pe roz tera intezaar karta hoon..