Final.Destination ~ your heart

Kya kashmakash hai ye
Kya bebasi hai
Hai dil ke paas itne tu
Fir kyon door khadi hai

Kehta hai dil
Machalta hai dil
Badha do kadam tu
Ye chahta hai dil

Thaam loon tujhe
Aa chhupa loon tujhe
Duniya ka darr hai toh
Aa kahin aur chal chalein

Waqt ko mai rok loon
Hawaon ko mai baandh loon
Bas ruk jaae sab yahin
Jab paas ho khitiz ke sahil
Hai tera dil
Toh mere dil ki manzil

Chahoon tujhe
Shayad hoon na kabil
Par aas hai ye
Par pyaas hai ye
Ki thaam loon tujhe
Aur chhupa loon tujhe
Kyonki hai tera dil
Hi mere dil ki manzil Kyonki hai tera dil
Hi mere dil ki manzil..

Your-Heart-Is-Mine

Shades of Emotions – 5

mosaic

Na mandir ki aarti,
na mazjid ki dua,
na kisi ghaat ki
aandhiyo se ladta koi diya,
uss ek mashal ko bujhne se rok paae,
jo saanse ginta ginta,
kabhi kargil mein shahid hua…

mosaic 2

Na kami duaon mein thi,
na kaafir ki aanho mein thi,
bas galti ek ye hui ki,
maang li wo apsara,
jo kisi aur ki baahon mein thi..

**

Also read Shades of Emotions -1Shades of Emotions -2, Shades of Emotions-3

old.disappearing.memories

alone

Kucch tasveerein deewaron pe nishan chhod jaati hain, 
Kucch lakeerein likhawat ka anuman ban jaati hain, 
Chahta toh har koi hai ret ko haathon mein pakadna, 
Par kucch fizaen hawa mein bas apna farmaan chhod jaati hain.. 

Kucch aanhe adhoore armaan chhod jaati hai,
Kucch baatein uljhe sawal chhod jaati hai,
Un lamho mein roye to bahut the hum,
Par unki yaadein ab sirf ek muskan chhod jaati hai !!

Kabhi kucch labz khwabon ka jaal tod jaate hain, 
Jo na bhar paae- aise zakhmon ke nishan chhod jaate hain, 
Hum maan bhi lein kismat ki lakeeron ko magar, 
Par kucch kisse iss fakir ko haal behaal chhod jaate hain..

Shades of emotions – 4

Also read Shades of emotions – one (1), two (2) and three (3)

abstract

******************************************************

I

Kisi jheel ke thehrav se puchho

Rituon ki khushnaseebi kya cheez hai

II

Dor aisi na baandh koi

Ki paaki mai tera ho jaaun

Rahun na apne watan ka mai

Aur na tere desh ka hi ho paun

III

Socha le aaun baaraat chaand taaron ki

Par kambakht ye bhi mujhse ruswa hain

Kehte hain rijha uss chaandni ko pehle

Jise dekh dil tera aanhein bharta hai

IV

Kabhi itne door hoke bhi kitne paas lagte ho..

Kabhi paas hoke bhi bahut door lagte ho..

Kahan chhupaun in ashkon ko ab..

Kaise bayan karun kitne khaas lagte ho..!!

******************************************************

shades of emotions

kabhi kabhi ^_^

kabhi-kabhi

Kabhi aanho mein…kabhi ashko mein paaya hai,

kabhi adaon mein… kabhi wafaon mein dhoondha hai tumhe,

kabhi duaon mein… kabhi siskiyon mein maanga hai tumhe,

kabhi khafa mein… kabhi muskurahat mein dekha hai tumhe,

kabhi aadat mein… kabhi zaroorat mein chheena hai tumhe,

kabhi saanson mein… kabhi aankhon mein chhupaya hai tumhe,

kabhi palkon mein… kabhi neendon mein baandha hai tumhe,

kabhi lamhon mein… kabhi sapno mein sajaya hai tumhe,

kabhi nazron se… kabhi mehfil se door paaya hai tumhe,

kabhi yaadon mein… kabhi baahon mein paaya hai tumhe..

Indian Republic Day special

saluting the heroes

~SALUTING THE HEROES~

Hai salaam har us jazbe ko
Jeet kayi jisne dilwai hai
Seema par chhati taan khade hue
Jab jab mushkil aayi hai..

Na sard khawaon se jhuke ho tum
na registaan ki mitti ne tumhe jhukaya hai
Jab jab desh dagmagaya apni jadon se
Ye tiranga tumne ooncha lehraya hai

indian army2

Apni maa se ek fauji jawan ne
Jitna putra prem paaya hai
Usse kayi zyada bharat maa ko
Wohi prem bhav lautaya hai..

Na firk rahi tumhe aur kisi rishte ki
Is bandhan ko sabse uncha tumne maana hai
Diya lahu uss mitti ko
Jiski mamta ne paala posa aur sehlaya hai..

indian army

Dushaman se ladte ladte
Tumne laashon ka dher lagaya hai
Amar jyoti jali tumhare naam ki
Bacche bacche n tumhara kissa sunaya hai..

O desh pe mar mitne waalon
Tumhe na kisi ne bhulaya hai
Tumhari veer gati ne hi
Ye jhanda uncha lehraya hai
Ye jhanda uncha lehraya hai..

indian army3

Shades of emotions – 3

Read Shades of Emotions -1 and Shades of Emotions -2

abstract-expressionism

****************************************************************************

I

Labzon ka asar hai ya

Aaj baatein aisehi bemisaal ho gayi

Kabhi lab sharmakar bhool gaye

Kabhi zabaan haal behaal ho gayi

II

Bebas hui dhadkan humari

Ummeed ne itna laachar kiya

Kuchh sapne hi toh dekhe the humne

Gunaah ismein kya kiya

III

Sapno ko mere piro ke aaj

Aangan mein aise saja lo

Thoda unhe dekh ke jee lo

Thoda paane ki chaah mein bita lo

IV

Kahin deep jale aangan mein

Toh kahin har shaam jaam bhare gaye

Par un lambe baaki peheron ka hum kya kare

Jo tera naam lete hue beet gaye

****************************************************************************

shades

~mY qUeStIoNs~

Question-Mark

Hai agar roz suraj dharti se door utna hi

toh chaar peher raat ke andhere mein kyo,

kya roshni pe bhi saaya chha jaata hai kabhi kabhi..?

Hai gar mil jaana aakhir yamuna ko ganga mein

toh har ghaat ek teerth kyon nahi,

kya sheetalta ka bhi hai naap koi..?

Hai jab rishte naate sabhi chhoot jaane

toh kyo chhalta hai kisi ko koi,

kya pal bhar ki chain ki saanse ek tohfa nahi..?

Hai har muskurahat ki aahat mein gham ki parchhai

toh kyo siskiyon ki aahat mein khushi ki sargam nahi,

kya khushi aur gham ek sikke ke hi do pehlu nahi..?

Hai gar pyaar ka jazba beintehaan

toh ho jaati hai aankhein nam kyon,

aashiqui ashkon se na seenchi jaae- kya ye mumkin nahi..?

question

Shades of Emotions – 2

Also read Shades of Emotions- 1

shades-of-the-soul

***************************************************************

I

Palko ki nami ko samjhaoon kaise,
dhadkan ke tezi ko behlaoon kaise,
door tum ho in nazron se itne,
par aankhon mein base sapno ko bhulaoon kaise..

II

Ishq nahi zarurat ho tum,
meri zindagi ki chahat ho tum,
ek sapna nahi haqeeqat ho tum,
iss intezaar ki aadat ho tum!

III

Barkha se baadal ka
Chaand se chandani ka
Phulon se khushboo ka
Rishta ab samajh aata hai
Haan ab apni ummeed ka
Daayera samajh aata hai

***************************************************************

shades of emotions

way to go – my heart!

ways to mend the heart

Kabhi aankhon ke isharon se, 
kabhi baton ke ladiyon se, 
kabhi khaali uss aangan se, 
kabhi chaand aur badal se, 
maana iss dil ko samajhne ke andaaz bahut hain.. 

Kabhi aankhon ke kajal mein, 
kabhi hathon ki lakeeron mein, 
kabhi mehke rangon mein, 
kabhi vadiyo ki dhund mein, 
haan iss dil ko behlaane ke andaaz bahut hain.. 

Kabhi yaadon ke dariye se, 
kabhi waadon ke sapno se, 
kabhi ulajhti saanso se, 
kabhi aadhi karvaton se, 
haan iss dil ko manaane ke andaaz bahut hain..